Knowledge Portal Sastra Flobamora
Kamus-Kamus Bahasa Nusa Tenggara Timur (Dictionary of NTT Languages)

Pantar Barat Kamus download
Kamus Bahasa Dawan - download
Lamaholot, Eastern Indonesia Subtitle: The morphology and syntax of the Lewoingu dialect;
Please also see Darman Kelen's Website here............
Coretan Tinta Penyair Nusa Tenggara

Merayakan lahirnya penyair NTT asal TTS: Puisi Dicky Christian Senda di Kompas


Kulihat negeriku hamil tua
siap melahirkan generasi-generasi tangguh...
yang puisinya adalah pedang pembelah jiwa,...
menjatuhkan status quo, korup dan kerdil budi...
bagi generasi baru teguh nan perkasa
karang negeriku tak lagi keras....

Tanlas. Bonn, 14 May 2009.
Sajak-sajak Ragil Supriyatno Samid  ............................................       link
Ina beta orang apa
Liat tivi su ada kata baru
Dengar radio su ada orang baru
Baca koran lebe ada lai
Ko su kanapa ko samua bafi’i botong deng bosong ni
Ko kotong su sonde bakatumu lai ko
Hanya tagal karja deng gaji ni basodara sampe hati bikin garis batas

Ina e kanapa ko orang musti baribut lu orang apa deng beta apa
Tolong kas tau Ina, orang tu model karmana?

Kalo be masi makan gula lempeng
Kalo be masi dete kurus padi deng garam
Kalo be masi minum gula aer
Kalo be masi makan ikan bagan
Kalo be masi makan lemon cina
Kalo be masi makan jagong bose
Kira-kira beta orang apa Ina?

Di bemo kotong dudu sama-sama
Di bawah mimbar ketong dudu sama-sama
Be sampe pikir mau tanya sa kalo tulang dong su jadi tana lu deng beta beda ko?
Tolong kas tau Ina beta orang apa?

Hanya tagal samua su bisa baomong
Itu kata dong tikam satu robek deng ceke satu deng yang lain
Sampe son kanal satu sodara
Ina e, Bapa deng Mama dolo bilang kotong ni orang apa?
Sampe satu deng yang laen su son ada rasa sayang ni?
Ina, kira-kira beta parna tanya lu orang apa ko dulu-dulu waktu kotong tarek tambang?
Waktu beta antar lu pung kaka pung maso minta beta pernah tanya lu orang apa?
Kalo ade deng kaka son bakusayang kira-kira makan nasi masih ada rasa ko?

Beta masih ingat Ina lu podak papaya kasi be pung Bapa, lu son parna tanya botong orang apa?
Sonde satu kata ju
Jadi tolong kas tau Ina, beta orang apa?
Ko samua fi’i satu orang deng jabatan su sama ke dunia su abis ko

Itu tumis bunga papaya masih panas di meja
Daging kete ju ada
Luat , Nona su bikin
Lu pung bakso ju Ama su bawa

Tapi, ina sebelum kotong samua sonto itu makanan
Tolong kas tau beta orang apa Ina

Ina, tolong angka muka lia beta
Supaya kotong tau lu deng beta sapa

Ina sayang mari makan deng beta
Kotong bukan orang laen
Mama deng Papa son parna suara tinggi deng Ina
Son parna bikin jato Ina ju
Jadi mari ambil piring ko duduk sama-sama
Ina lu yang berdoa e

Oleh Dominggus Elcid Li, Birmingham, 13 Agustus 2009